Опис на проектот

Проектот се планира да опфати целосна реконструкција на градскиот плоштад, преку замена на постојните плочки со нови, поставување нова урбана опрема и оградување на постојната фонтана. Проектот предвидува и сообраќајно решение со кружен тек кој ги опфаќа улиците „Маршал Тито”, „Даме Груев”, „Партизанска” и „Христо Ботев”. Ќе се планира и покривање на градскиот кеј од центарот до ООУ „Страшо Пинџур”. Ваквото проектно решение ќе придонесе за поурбан изглед, за функционално сообраќајно решение, за обезбедување на дополнителни паркинг-места во центарот на Неготино и истовремено решавање на проблемот со ширење на непријатна миризба од градскиот кеј, како реален причинител на разни зарази.

Влијание на проектот:

Со целосната реконструкција на градскиот плоштад, Неготино ќе добие современ плоштад и безбедно и функционално сообраќајно решение.

Целна група: Целна група се сите граѓани на општина Неготино, но и посетители кои доаѓаат во Неготино.

Рок на реализација:Шест (6) месеци во текот на 2026 година.

Буџет

Проценета вредност во согласност со проектна документација.

Опис на проектот

За уредување на просторот во близина на СРЦ „Младост“ во периодот до 2021 година општина Неготино располагаше со прифатливи идејни решенија, со кои се предвидува целосно уредување преку можност за изградба на паркови површини, велосипедски патеки, скејт-парк, поставување спортски реквизити и сл., преку кои овој простор ќе израсне во модерен комплекс за секојдневна рекреација на локалното население, како и за развој на туризмот. Со новите содржини се планира програма што ќе го раздвижи просторот анимирајќи го и во полето на гастрономијата, културата и алтернативните спортски активности. Во првата фаза се предвидува и изработка на комплетна проектна документација во која детално ќе бидат уредени сите содржини што би се опфатиле во овој проект. Дел од проектната документација е расположлива во општина Неготино. Потребно е да бидат обезбедени извори на финансирање до конечна реализација.

Влијание на проектот:

Проектот е од голем интерес за младите, што е наша основна цел, во правец на здрав, правилен и сестран развој.

Целна група:

Млади и останати генерации кои често се присутни тука за одмор и рекреација.

Рок на реализација:

Потребна е комплетна техничка документација за реализација на овој проект. Временска рамка 2026 – 2028 година.

Буџет

Проценета вредност во согласност со техничка документација која треба да биде дополнително подготвена.

Опис на проектот

Со промена на ДУП е утврдена локација за изградба на нов објект на ТППЕ Неготино. Исто така Општина Неготино во изминатиот период 2017 - 2021 година има подготвено проектна апликација со цел осовременување на службата за ТППЕ Неготино преку набавка на нови возила и современа опрема, но и размена на меѓународни искуства во овој домен со соседна Грција. Покрај тоа, проектот ќе опфати обезбедување на обуки, опрема и услови и за доброволните друштва кои помагаат за време на пожари и други катастрофи. Со проектот се планира комплетно опремување и екипирање за навремено и побезбедно делување и справување со пожари и други природни катастрофи. Се планира проверка и ставање во целосна функција на поставените градски хидранти, а ќе се планира и поставување на нови.

Влијание на проектот:

Проектот обезбедува делување на службите за ТППЕ преку нови, современи услови за работа, нови возила и опрема преку размена на меѓународни искуства. Проектот ќе има огромно влијание за подигнување на безбедноста и сигурноста на граѓаните на општина Неготино и пошироко.

Целна група:

Службата на ТППЕ Неготино и други доброволни друштва за ТППЕ.

Рок на реализација:

Планиран период на реализација 2026 - 2028 година

Буџет

Средства за оваа намена ќе се бараат од меѓународни фондови, ко-финансирање од општинскиот буџет, но и со средства од владините институции.

Опис на проектот

Со проектот се поврзуваат регионалниот пат Неготино - Кавадарци со улиците „Индустриска“ и „Маршал Тито“. Преку реализација на овој проект на овој дел од градот Неготино се предвидува ново сообраќајно решение што ќе предизвика позитивен импакт и ефекти врз целото непосредно опкружување од аспект на повисока организација и инфраструктурна опременост.

Влијание на проектот:

Со проектот ќе се постигне повисок стандард и сообраќајни услови за проточност и безбедност на сообраќајот.

Целна група:

Целна група се сите учесници во сообраќајот, во градот Неготино, во населените места, посебно за учесниците во сообраќајот кои секојдневно сообраќаат на релација Неготино-Kавадарци-Неготино.

Рок на реализација:

Три (3) месеци во период 2026 - 2027 година

Буџет

Проценета вредност во согласност со проектна документација.

Опис на проектот

Опфаќа 3 делници од јужна обиколница (ул. „Новопроектирана 1, 2 и 3“ со сите потребни детали) со должина од 3400 метри. Северозападна обиколница е во должина од 3800 метри со приклучни патишта до постојна сообраќајна мрежа во должина од околу 2500 метри. Техничката документација е од 2019 година, а средствата ќе се планираат во соработка со ЈПДП.

Влијание на проектот:

Проектот е од посебна важност заради растеретување на сообраќајот во градското подрачје. Проектот е од регионално значење.

Целна група:

Целна група ќе бидат разни учесници во сообраќајот, посебно корисници на земјоделска механизација, корисници на тешки товарни возила и други.

Рок на реализација:

2027 - 2029 година

Буџет

Проценета вредност на проектот во согласност со подготвена техничка документација со евентуално потребно ревидирање. Со оглед на тоа што обиколниците се од локална, но пред сè, од регионална важност, проектот се планира со средства од годишните програми на Јавното претпријатие за државни патишта.

Опис на проектот

Проектот опфаќа реконструкција на тротоарите и велосипедските патеки на делницата од регионалниот пат Р1103, на потегот од спојот со улица „Индустриска“ до крстосницата со регионалниот пат, во должина од околу 1 650 м, со сите потребни конструктивни елементи.

Влијание на проектот:

Со вака дефинирана, реализирана и обележана пешачка патека се обезбедува поголема сигурност и безбедност.

Целна група:

Целна група се млади, велосипедисти, пешаци од цела општина и пошироко.

Рок на реализација:

Од 3 - 6 месеци. Период 2027 – 2028 година

Буџет

Проценета вредност во согласност со проектна документација.

Опис на проектот

Локалитетот „Тимјаничка цуцка” е лоциран во јужниот дел од градот и зафаќа површина од околу 60 км2. Со проектот се планира пешачка патека, партерно уредување и поставување урбана опрема на местото викано „Солена вода” кое е посетено и користено од многу жители од општината и пошироко кои што овде доаѓаат и полнат од водата за пиење.

Влијание на проектот:

Уредување на локацијата како туристички комплекс, преку изградба на пешачки и велосипедски патеки.

Целна група:

Целна група се граѓаните на Општина Неготино, млади, велосипедисти, спортисти, посетители и туристи.

Рок на реализација:

За реализација на проектот потребна е комплетна техничка документација и сите неопходни одобренија. Проценето време за реализација е од 6 – 12 месеци во зависност од временските услови. Период за реализација 2028 – 2029 година.

Буџет

Проценета вредност во согласност со проектната документација ќе биде утврдена дополнително.

Опис на проектот

Овој проект е изработен во 2021 година на основа на приватна иницијатива на бизнис секторот кој е директно засегнат со оваа потреба. Со оглед на тоа што се работи за проект кој третира активности и поврзувања со Регионален пат, реализацијата ќе биде под директна надлежност на ЈПДП со дополнително потребно учество од буџетот на општина Неготино.

Влијание на проектот:

Проектот влијае врз локалниот економски развој. Ги решава проблемите со транспортот на засегнатите страни.

Целна група:

Посебно засегната целна група за овој проект се повеќе од 20 компании кои гравитираат на овој потег.

Рок на реализација:

Период за реализација 2026 – 2028 (во согласност со проекциите и во координација со ЈПДП)

Буџет

Бидејќи проектот има регионално значење и важност истиот ќе се реализира во соработка и со средства преку годишните програми на ЈПДП и општинскиот буџет.

Опис на проектот

Општина Неготино во соработка со ФФМ и УЕФА планира комплетна реконструкција на градскиот стадион. Исто така, во склоп на градскиот стадион ќе биде поставен вештачки терен со соодветни трибини на местото на поранешното ракометно игралиште кое денес е во запуштена состојба.

Влијание на проектот:

Со проектот се влијае врз развојот на спортот кај младата популација и се зголемува безбедноста при спортувањето.

Целна група:

Целна група се млади, спортисти, ученици од ООУ „Гоце Делчев“ Неготино, но и други посетители за време на спортски и други културно-забавни настани.

Рок на реализација:

Потребна е соодветна техничка документација. Период за реализација 2026 – 2027 година.

Буџет

Буџетот за овој проект ќе го обезбеди Општина Неготино во соработка со ФФМ и УЕФА.

Опис на проектот

Овој патен правец е интересен и потребен за граѓаните на општина Неготино бидејќи с. Калањево во согласност со местоположбата е одлична воздушна бања и е потенцијално место за развој на ловен и викенд туризам. Изградени се повеќе од 200 нови викенд куќички и за пристап до истите неопходна е соодветна патна и друга инфраструктура.

Влијание на проектот:

Со проектот се поттикнува викенд туризам, ловен и друг планински и рекреативен туризам.

Целна група:

Целна група се корисници на повеќе од 200 викенд куќи во Калањево, ловни и планинарски друштва, ученици, и други граѓани на општина Неготино и пошироко.

Рок на реализација:

Рокот на изведба е детерминиран во согласност со проектната документација. Општина Неготино располага со проектна документација, за која ќе биде потребно евентуално ревидирање.

Буџет

Средства за оваа намена ќе се бараат преку ИПАРД програмите наменети за подобрување на јавна инфраструктура со делумно учество на општинскиот буџет. Проценета вредност е во согласност со проектна документација, со евентуално ревидирање во делот на цените и другите потребни одобренија за градење.

Опис на проектот

Индустриска зона УЗ.8 се наоѓа на влезот во Неготино од Кавадарци. Реална имплементација на истиот е започната во минатиот период, но истата не е реализирана до крај поради проблеми со изведувачот и настанатите штети при реализацијата. Потребна е итна корекција и изнаоѓање на соодветно решение.

Влијание на проектот:

Со проектот се излегува во пресрет на поголем дел од бизнис секторот кој стопанисува во оваа ИЗ УЗ 8.

Целна група:

Целна група е приватен бизнис сектор од општина Неготино и од регионот.

Рок на реализација:

Рокот на изведба е детерминиран во согласност со проектната документација за која е потребно ревидирање. Планиран период 2026 – 2027 година.

Буџет

Во однос на вредноста на проектот потребно е дополнително ревидирање во однос на цените, во согласност со актуелните пазарни вредности. Средства за оваа намена ќе се бараат преку МЖСПП и со кофинансирање од буџетот на општина Неготино.

Опис на проектот

Општина Неготино е опфатена со магистралниот гасовод Клечовце – Штип − Неготино − Битола. За градот Неготино, на овој магистрален гасовод е поставен приклучок и Главната мерно-регулациска станица (ГМРС) со соодветен капацитет (7 000 m3/h). Во општина Неготино постои техничка документација за изградба на секундарна дистрибутивна гасоводна мрежа.

Влијание на проектот:

Проектот влијае врз зголемување на конкурентноста на локалната економија преку овозможување пристап на сите корисници до најевтиниот енергенс, природниот гас.

Целна група:

Како целна група се корисниците во јавните институции во Општината и некои поголеми индустриски потрошувачи.

Рок на реализација:

Техничка документација постои од 2021 година. Потребна е само нејзина ревизија. Проектот треба да се реализира во тесна корелација со Министерството за енергетика и други релевантни чинители. Проценето време на реализација 2026-2029 година.

Буџет

Проценета вредност во согласност со комплетна техничка документација.

Опис на проектот

Музичкото училиште работи во стара дотраена зграда. Постои интерес и посетеност за настава со повеќе од 100 ученици, за што е неопходно и соодветно, безбедно просторно решение. Се планира изградба на нов, модерен објект со концертна сала. Просторните услови за реализација се во согласност со ДУП. Проектот ја афирмира музичката култура и образование.

Влијание на проектот:

Ќе се создадат нови, современи и безбедни услови за образование и ќе се влијае врз подигање на музичката култура.

Целна група:

Целна група се наставници и повеќе од 100 ученици, како и граѓани и посетители на културни настани.

Рок на реализација:

Проценета изведба за 6 до 12 месеци (2027 – 2028). Дополнително ќе се прецизира преку проектна документација.

Буџет

Средства за оваа намена ќе се обезбедат преку општината и годишните програми на МОН во делот на капиталните инвестиции.

• Реконструкција на подрачното училиште во населено место Криволак.
• Комплетна реконструкција и одржување на детското игралиште во центарот на Криволак.
• Асфалтирање на улици во согласност со потребите на месното население.
• Обезбедување дневна асистенција на стари, изнемоштени лица.
• Пошумување на површини кои беа зафатени со пожарите од летото во 2024 година, со цел обновување на шумскиот фонд, како основа за заштита и справување со климатските промени на подолг рок.

• Организиран опфат на деца од предучилишна возраст во други адаптирани просторни услови.
• Изградба на спортска училишна сала со помал капацитет, санирање на спортските терени во Долни Дисан, оградување на училишниот двор и обезбедување на дополнителни контејнери за собирање на отпад за почиста околина.
• Асфалтирање на улици во согласност со потребите на месното население.
• Целосна санација и промена на водоводната мрежа која е изградена од месното население пред 50 години.(Потребно е да се врши редовна анализа на водата за пиење во селото кое се снабдува од недоволно заштитен извор кој е изложен на атмосферски влијанија и пристап на шумски животни до него, а често во негова близина се расфрла и секаков вид на отпад).
• Поддршка на DISAN OPEN FEST.

• Организиран опфат на деца од предучилишна возраст во други адаптирани просторни услови.
• Санирање на речното корито на Војшанска Река и негово уредување.
• Асфалтирање на улици во согласност со потребите на месното население.
• Обезбедување на пристап до земјоделско обработливо земјиште преку подобрување на полските патишта и пошумување на голите површини во близина на населено место Војшанци, заради справување со климатските промени.
• Финансиска поддршка на музички фестивал (VILLAGE FESTIVAL) кој се одржува во Војшанци, заедно со традиционалниот турнир во мал фудбал за време на верскиот празник Илинден кој се празнува и се чествува како селска слава.

• Организиран опфат на деца од предучилишна возраст во други адаптирани просторни услови.
• Асфалтирање на улици во согласност со потребите на месното население.
• Обезбедување на пристап до земјоделско обработливо земјиште преку подобрување на полските патишта и пошумување на голите површини во близина на населено место Тимјаник, заради справување со климатските промени.
• Обезбедување и поставување на сеопфатна информативна карта на винските предели и винарии, посебно семејните бутик винарии кои се многу актуелни и гравитираат на опфатот од село Тимјаник до село Вешје, но и на ниво на цела општина.
• Поддршка на турнир во мал фудбал.

• Асфалтирање на улици во согласност со потребите на месното население.
• Изградба на патниот правец Војшанци – Пепелиште.
• Обезбедување на пристап до земјоделско обработливо земјиште преку подобрување на полските патишта. Истовремено, ќе се планира пошумување на површини кои беа зафатени со пожарите во летото 2024 година, со цел обновување на шумскиот фонд, како основа за заштита и справување со климатските промени на подолг рок.
• Поправка на училишните простории во локалното училиште-енергетски ефикасно училиште.
• Реконструкција и разубавување на централното подрачје во Пепелиште кое беше целосно реконструирано во 2020 година, обезбедување на дополнителен број на нови контејнери и изградба на мулифункционално игралиште на просторот до старата училишна зграда.

• Изградба на канализационен систем.
• Асфалтирање на една улица и тампонирање на две улици во селото.
• Набавка на дополнителен број контејнери заради поуспешно справување со отпадот.
• Решавање на проблемот со превоз на патници на релација Неготино – Црвени Брегови со минимум две воспоставени линии во текот на денот.
• Образовен попис на ромското население во селото, со цел да се насочат на соодветна едукација, квалификација, преквалификација, како би добиле основно познавање за потребите на работодавачите во нашата општина.

• Довршување на изградбата на потисниот цевковод и резервоарот за вода. Овој проект започна да се гради во 2024 година со обезбедени средства од централната власт на СДСМ. Со проектот планирана е изградба на потисен цевковод (со должина од 3300 м, мерено од бунарот до новиот резервоар) и резервоар за вода за пиење со капацитет од 250 м3 во населено место.
• Доопремување на паркот со урбана опрема, уредување на патеки и уредување на мултинаменско игралиште.
• Набавка на дополнителен број контејнери заради поуспешно справување со отпадот.
• Асфалтирање на улици во согласност со потребите на месното население.
• Пошумување на голи површини во близина на населено место Тремник заради збогатување на шумскиот фонд и за заштита од климатските промени.

• Тампонирање на две улици.
• Асфалтирање на една улица во согласност со потребите на месното население.
• Набавка на дополнителен број контејнери заради поуспешно справување со отпадот.
• Обезбедување на пристап до земјоделско обработливо земјиште и подобрување на полските патишта.
• Пошумување на голи површини во близина на населено место Курија заради збогатување на шумскиот фонд и за заштита од климатските промени.

• Изградба на канализациска мрежа.
• Тампонирање и асфалтирање на две улици.
• Пошумување на голи површини во близина на населено место Дуброво заради збогатување на шумскиот фонд и за заштита од климатските промени.
• Реконструкција на патот Дуброво – ТЕЦ Неготино околу 400м.
• Санација и соодветно оградување на градската депонија „Бучето” која е во близина на селото. Заштита од ширење непријатна миризба и други опасности од кучињата скитници кои ги демнат пешаците, земјоделците, велосипедистите и останатото месно население.

• Целосно ставање во функција на опремата за пчелниот парк во с. Вешје во соработка со здруженија на граѓани од областа на екологијата и пчеларството.
• Пошумување на голи површини со багремови насади заради подобрување на условите за пчеларство и за заштита и одржување на екосистемите.
• Организирање на настани во правец на еко, апи и вински туризам со здруженија на граѓани од општината и пошироко. Градење на интегриран систем за развој на алтернативни туристички рути во регионот во текот на цела година.
• Покренување на иницијативи за реставрација и за заштита на археолошкото наследство во овој крај преку активности иницирани од Музеј на град Неготино.
• Довршување на патниот правец од с.Долни Дисан до с. Вешје.