За младите, Општина Пробиштип е меѓу првите пет општини што отворија Младински центар, чија програма ја финансира општината, но имаме и Младински совет и службеник за млади, така што ги исполнуваме речиси сите обврски согласно со Законот за млади, а ова создаде можности за младите да реализираат голем број проекти, да се вмрежуваат и да се стекнат со нови искуства, кои ќе служат за развој на личноста. Општина Пробиштип е позитивен пример во делот на можностите за млади, на што сме особено горди.
Она на што ќе се посветиме во идниот мандат е планирањето на просторот и донесување нови урбани планови за развој на градот. Во овој контекст, акцентот е ставен на јаловишната депонија, за што веќе имаме започнато постапка, со ова ќе се реши и горливиот еколошки проблем којшто нè засега сите во изминативе децении.
Општина Пробиштип со моето осумгодишно раководење целосно ја промени сликата за локалната самоуправа, и општината денес е она што треба да биде - сервис на граѓаните. За работењето и транспарентноста на општината најголем доказ е извештајот од Агенцијата за заштита на правото на слободен пристап до информации од јавен карактер врз општините и планските центри во државата, за транспарентноста на локалните самоуправи, Општина Пробиштип со 93,75 % ја рангира на прво место во регионот и на трето место во Македонија.