Почитувани сограѓани на Општина Чаир,
Ви се обраќаме како ваши соседи, пријатели и семејства што живеат исто како вас, тука во нашата Општина Чаир. Секојдневно се соочуваме со истите предизвици и истите грижи, како што се недоволна инфраструктура, комунални проблеми, потреба од повеќе зелени површини, безбедни улици и поголема грижа за младите и старите. Овие проблеми не се само ваши или само наши – тие се проблеми на целата наша заедница.
Затоа, советничката група на СДСМ влегува во оваа битка со една јасна порака, којашто гласи: ние ќе бидеме вашиот глас и вашиот штит во општината. Ќе бидеме вашите застапници, вашиот гласноговорник, поборници за тоа вашите идеи, предлози и барања да бидат слушнати, почитувани и реализирани. Ние веруваме дека општината не се гради од канцеларија. Општината се гради на улица, во маалото, меѓу луѓето, со разговор и со слушање. Затоа ветуваме дека секогаш ќе бидеме достапни за вас, ќе бидеме таму каде што сте вие и заедно со вас ќе ја менуваме Општина Чаир во подобро место за живот. Нашата визија е во кој секое семејство во Чаир да има достоинствено секојдневие, општина во која младите ќе гледаат иднина, а повозрасните ќе имаат почит и сигурност. Визија за општина во која решенијата произлегуваат од потребите на граѓаните, а не од политичките калкулации.
Ве повикуваме да ни ја дадете вашата доверба. Заедно можеме да ја изградиме општината што сите ја заслужуваме – почиста, посигурна, поправедна и поуспешна.
На овие избори поддржете ја советничката група на СДСМ во Општина Чаир. Вашиот глас е нашата сила, а нашата сила е заедничката иднина на Чаир.