Особено во зимските месеци македонските градови се меѓу најзагадените во светот. Во многу места имаме проблем со диви депонии, а граѓаните имаат сериозни забелешки за јавната чистота дури и во најурбаните места. Осудени ли сме сите ние да живееме во ѓубре и отровен воздух?
Мора да дејствуваме веднаш, дишеме воздух што убива. Прилеп заслужува мерни станици за квалитет на воздухот, ќе поттикнуваме еколошка енергија и транспорт, ќе водиме системска борба против дивите депонии. Еколошката свест ќе биде тренд, а комуналните услуги ќе ги задоволат потребите на градот.
Довербата на граѓаните во системот е на многу ниско ниво, а општата перцепција на јавноста е дека корупцијата цвета во нашата држава. Дали може да ја повратиме таа доверба? Дали подобрувањето на општинските услуги, зголемувањето на транспарентноста и отвореноста на општината кон граѓаните може да даде нова надеж?
Доверба во институциите мора да има. Само преку целосна транспарентност, достапни и ефикасни услуги, како и директна комуникација со граѓаните, можеме да ја вратиме вербата дека општината е сервис на граѓаните, а не затворен круг на интереси.
Иселувањето е еден од најголемите проблеми, а следствено и наталитетот е во драстично опаѓање. Имаме ли иднина без луѓе? Како да ги задржиме луѓето во своите места да продолжат да живеат со перспектива за себе и за своите деца?
Без луѓе, нема иднина. Со стимулации за млади семејства, нови инвестиции и животен стандард што овозможува стабилност, можеме да ги задржиме луѓето тука. Тие сакаат сигурност, перспектива и чувство дека се вреднувани, мора да добијат!
Зошто граѓаните да гласаат за вас? Што е тоа по што сте различни од другите за да ви ја дадат токму вам довербата?
Ветувам работа, посветеност и отчетност. Разликата меѓу мене и другите е во искуството, принципите и искрената грижа за Прилеп. Функцијата не е привилегија, туку обврска ‒ обврска да се служи, да се слуша и да се дејствува. Прилеп е мојот дом, граѓаните ‒ моја фамилија.
