Опис на проектот

Во Кочанската Котлина е верифицирано едно од најголемите светски немагматски лежишта на геотермална вода Подлог Бања, со вкупно билансирани статички резерви од 150 милиони м 3 , со средна температура од 75 Целзиусови степени. Водата од геотермален басен поседува исклучително поволни хемиски карактеристики. Сепак, таа засега се користи само за затоплување на оранжерии и за загревање на неколку јавни објекти. Некогашната бања со физикална терапија во селото Бања (сегашна Општина Чешиново-Облешево) е нефункционална. Жителите на Кочани се принудени наместо во сопственото место на живеење да користат гетормални води за рехабилитација и релаксација, да патуваат на други места и во други држави, поради што се изложени на дополнителни трошоци.

Влијание на проектот:

Центарот за рехабилитација со геотермална вода / Бањски комплекс во Кочани ќе овозможи искористување на лековитите својства на геотермалната вода од кочанскиот геотермален басен. Покрај во здравствени цели, ќе придонесе и за развој на туризмот. Исто така, ќе ги намали трошоците на жителите на Кочани за рехабилитација, односно релаксација во други бањски центри. Доколку се изгради базен со топла вода, тој може да се користи и во текот на учебната година од страна на учениците за стекнување вештини за пливање. Геотермалната енергија, како обновлив избор на енергија, може да се стави во функција на затоплување на институции, установи...

Целна група: Сите граѓани (институции и установи), лица со потреба за рехабилитација, спортисти, туристи...

Опис на проектот

Со оглед на стареењето на населението и иселувањето на младите, сѐ поголем е бројот на стари лица во Кочани на кои им е потребна грижа, нега, внимание и организиран социјален живот. Потребата од објект со солидни услови за престој и згрижување на старите и изнемоштени лица од регионот е сѐ понагласена. Општина Кочани има изработена техничка документација за изградба на Дом за стари лица - Кочани и определено локација со донесен ДУП, во кругот на поранешната касарна „Гоце Делчев“, за изградба на Дом за стари лица, како и подготвено целосно ревидирана техничка документација со сите фази (архитектура, градежништво, електрика, водовод и канализација, машински инсталации и ППЗ). Се однесува на изградба на Дом за стари лица со капацитет од 141 лице и со вкупна површина од 16.270 м 2 . Проектираната вредност за изградба на објектот изнесува 340 милиони денари.

Образложение на проектот:

Изградбата на Дом за стари и изнемоштени лица ќе даде придонес во подобрувањето на квалитетот на животот на старите лица, како од здравствен, така и од социјален аспект. Организираната грижа за старите лица ќе овозможи и вклучување на пазарот на трудот и поквалитетен живот и на другите членови од семејствата коишто имале секојдневен ангажман околу старите и изнемоштени лица.

Целна група: Стари и изнемоштени лица.

Опис на проектот

Сегашната состојба со користењето на објектот Стара касарна за домување на лица во социјален ризик е алармантна за Кочани. Самата градба е небезбедна, отпадните води се неканализирани, а користењето на електричната енергија може да ја доведе во опасност пошироката околина и животите на луѓето во неа. Неопходна е изградба на објекти каде што ќе бидат преселени станарите од Старата касарна, што ќе обезбеди долгорочно решавање на овој повеќедецениски проблем, кој е приоритетен и за самите станари и за градот воопшто.

Образложение на проектот:

Изградбата на социјални куќички за станарите од Старата касарна е од витално значење за Кочани – решавањето на домувањето на лицата од Старата касарна едновремено ќе значи побезбедна градска средина и намалени здравствено-епидемиолошки ризици. Општина Кочани има подготвена техничка документација и определена локација за реализација на овој проект. Местото каде што е лоцирана Старата касарна може да се уреди во урбан простор со објекти за колективно домување и зелена средина.

Целна група: Жители на Старата касарна, 26 семејства во социјален ризик, како и сите жители на Кочани.

Опис на проектот

Постојниот пазар по многу параметри е див и хаотичен. Распослан е на двете страни од Кочанска Река и зафаќа површини на улиците кон џамијата и кон ООУ „Раде Кратовче“. Во четвртоците, кога е пазарен ден, сообраќајот во овој дел на градот е во целосен хаос. Тезгите не се во доволен број, млечните производи не се продаваат во адекватни услови и навистина е потребна сериозна реорганизација.

Образложение на проектот:

Постојат повеќе локации што би ги задоволиле условите за реорганизиран пазар. Тоа може да биде во делот на бившата фабрика Треска - „Борис Кидрич“, во делот на улицата „Скопска“ каде што во последните години се одржува Кочанскиот панаѓур или пак во делот под Спортско-рекреативниот центар „Зорик“. Пазарот треба да има, пред сѐ, современ и привлечен естетски изглед. Просторот треба да биде функционален како за продавачите, така и за купувачите. Тезгите треба да бидат поделени за земјоделски производи, текстил, млечни производи, занаетчиски производи и сл. Поголем дел од тезгите треба да поседуваат баждирани ваги за мерење. Во делот на млечните производи треба да биде опремен со соодветни стандардни услови (чешми, топла вода, фрижидери). Пазарот треба да поседува канти за отпадоци и повеќе јавни тоалети. Тој треба да биде така поставен за да може лесно и ефикасно да се одржува хигиената на највисоко ниво.

Целна група: Сите граѓани на општините Кочани, Зрновци, Чешиново-Облешево, кои се и најмногубројни посетители и трговците што доаѓаат од регионот и од целата држава.

Опис на проектот

Базенот е со веќе планирана урбанистичка маркичка во дворот на училиштето. Цевководот од геотермалната вода е со крак во училиштето каде што служи за комбинирано загревање на геотермална вода и екстра лесно масло за греење во зимскиот период. Значи нема потреба од специјален довод на геотермална вода. Кога се во прашање младите, особено учениците, оваа инвестиција воопшто не би требало да биде проблем. Кочанчани долго ја очекуваат, можеби повеќе од половина век.

Образложение на проектот:

Придобивките би биле големи. Пред сѐ, тоа за градот ќе биде новитет, а училиштето ќе си ја поврати атрактивноста за учениците. Би ги опслужувало со добра организација сите училишта за одржување часови по водени спортови, а по часовите би се изнајмувале термини за спортски активности (пливачки школи) и за рекреација. Една од причините за иселување на нашите сограѓани во Скопје или во други држави е токму и непостоењето на вакви содржини во градот.

Целна група: Учениците од прво одделение до четврта година, спортисти, рекреативци.

Опис на проектот

Во Кочани особено е изразена потребата од ефикасна контрола и заштита на бездомните кучиња и третман согласно со прописите од ветеринарното здравство и благосостојба на животните. Глутници бездомни кучиња шетаат насекаде низ градот напаѓајќи ги минувачите и нивните миленици. Особено критични места се Градскиот парк, Трговскиот центар, големите маркети и угостителските објекти каде што е поголема фреквенцијата на луѓе и храна. Бездомните кучиња го расфрлаат отпадот од отворените канти на јавните површини и дополнително ја влошуваат состојбата со јавната чистота.

Образложение на проектот:

Изградбата на прифатилиште за бездомни кучиња, за што постои регионален проект, ќе значи згрижување и обезбедување соодветен третман на овие животни, кои им создаваат проблеми на граѓаните и ја загрозуваат безбедноста и сигурноста на луѓето и на нивните миленици и понекогаш провоцираат несоодветно однесување на луѓето кон нив. Финансиски, овој проект е одржлив и хуман, затоа што парите што се издвојуваат за сегашните активности што се спроведуваат преку КЈП „Водовод“ се залудно потрошени затоа што состојбата не е променета.

Целна група: Сите граѓани на Кочани.

Опис на проектот

Проектот предвидува изградба на современа катна гаража на повеќе нивоа во централното градско подрачје, со капацитет од околу 500 паркинг-места. Гаражата ќе биде опремена со автоматизиран систем за наплата, видеонадзор и систем за контрола на сообраќајниот проток. Во рамките на објектот ќе има места резервирани за лица со попреченост, велосипедски паркинг, како и електрични полначи за автомобили. Објектот ќе биде изграден по принцип на енергетска ефикасност, со соларни панели за дел од потребната електрична енергија и зелен покрив за подобрување на микроклимата. Со реализацијата на овој проект ќе се намали хаосот во сообраќајот, ќе се овозможи уредено паркирање и ќе се зголеми безбедноста и функционалноста на центарот на градот.

Образложение на проектот:

Намалување на сообраќајниот метеж, уредено паркирање и модерен изглед на центарот на градот.

Целна група: Возачи, жители на центарот, сопственици на деловни објекти и сите посетители на градот.

Рок на реализација: 24–30 месеци

Буџет

8 милиони евра (општински буџет, јавно-приватно партнерство и можни донаторски фондови)

Опис на проектот

Проектот предвидува изградба на нов сообраќаен влез во градот со надвозник во должина од 1 километар, со цел да се олесни влезот и излезот од централното градско подрачје и да се намали сообраќајниот метеж во клучните булевари. Надвозникот ќе има две коловозни ленти во секоја насока, тротоари за пешаци и велосипедска патека. Објектот ќе биде опремен со современо осветлување, системи за мониторинг на сообраќајот и енергетски ефикасни решенија. Дополнително, ќе се интегрираат зелените површини и шумски појаси околу влезот, со што ќе се подобри естетиката и квалитетот на животната средина. Проектот ќе обезбеди побрз, побезбеден и поефикасен транспорт за граѓаните и посетителите на градот, а ќе овозможи и подобра поврзаност со индустриските и комерцијалните зони.

Образложение на проектот:

Намалување на метежот, побрз и безбеден влез во градот и подобра поврзаност со околните зони.

Целна група: Сите граѓани, возачи, јавен и комерцијален транспорт, туристи и деловни субјекти.

Рок на реализација: 36 месеци

Буџет

15 милиони евра (општински и државни средства, можни европски фондови и јавно- приватно партнерство)

Опис на проектот

Проектот предвидува целосна реконструкција на водоводната разводна мрежа во градот, со вкупна должина од 100 километри, со цевки од дијаметар Ф50 до Ф250. Сегашната мрежа е делумно стара и често предизвикува дефекти и загуби на вода, што влијае врз квалитетот на водоснабдувањето и ги зголемува трошоците. Со реконструкцијата ќе се обезбеди стабилно и сигурно снабдување со вода за домаќинствата, јавните установи и комерцијалните корисници, ќе се намалат хавариите и загубите на вода, и ќе се подобри притисокот во мрежата. Проектот вклучува и модерни системи за мониторинг и контрола на водата, како и мерки за енергетска ефикасност при експлоатацијата. Реконструкцијата ќе овозможи долгогодишна сигурност во водоснабдувањето и подобрување на јавната хигиена и квалитетот на живот.

Образложение на проектот:

Сигурно водоснабдување, намалување на загубите и дефектите, подобрување на квалитетот на живот и јавната хигиена.

Целна група: Сите граѓани, јавни установи, деловни субјекти и индустриски корисници.

Рок на реализација: 48 месеци

Буџет

22 милиона евра (општински и државни средства, можни ЕУ-фондови и кредити од меѓународни финансиски институции)

• Тампонирање и асфалтирање на улицата „7 Септември“ во должина од 50 метри и поврзување со улица „Мишо Арсов“.
• Осветлување на улицата „7 Септември“
• Спојување на улицата „Мишо Арсов“ со улица викана „Грдовјански“ ,должина од 30 м
• Да извршиме реконструкција на канализациската мрежа на улицата „Руен“
• Редовно одржување на хигиената на улиците и редовно собирање на сметот
• Обновување и реновирање на реквизитите во дворот на детската градинка
• Покривање на каналот за наводнување на улицата „Ѓорги Пулевски“, должина 400 м
• Реконструкција на канализациската мрежа на улица „Искра“ (околу 200 метри) и на улицата „Генерал Апостолски“ во должина од 150 метри
• Асфалтирање на улиците „Ѓорги Пулевски“ (400 м), „Искра“ (200 м), „Карпошово востание“ (400 м)
• Во соработка со МВР ќе овозможиме службени лица што секојдневно ќе патролираат во населбата. Поставување „лежечки полицајци“ – забавувачи на брзината на возилата

• Облагородување и хортикултурно уредување (со зелени површини, клупи, детско игралиште) на поранешната депонија во Трајаново Трло, близу западната страна на поранешната касарна
• Нова канализациска мрежа во месноста викана Колерски гробишта
• Асфалтирање на делот од улицата „Поп Арсов Блаже“ во должина од 400 метри
• Проширување и тампонирање на делот од улицата „Поп Арсов Блаже“ близу Антената
• Нова канализација во месноста викана Диви градби, поправка и тампонирање на пат во тој дел од населбата

• Реновирање и уредување на детското игралиште и обновување на детските реквизити во близина на комплексот „АСНОМ“
• Ревитализирање на напуштените простории во комплексот „АСНОМ“  и нивно пренаменување и користење од групи и здруженија што се занимаваат со дејности во културата или повторно да ги дадеме на користење на Правниот факултет при УГД – Штип
• Замена на азбестните водоводни цевки на улица „Гошо Викентиев“
• Обновување на канализациската мрежа на улицата „Гошо Викентиев“ поради дотраеност
• Промена (поради дотраеност) на водоводните цевки на улицата „Тодосија Паунов“
• Промена (поради дотраеност) на водоводните цевки на улицата „Пролетерски бригади“
• Асфалтирање на улицата „Пролетерски бригади“  (во должина од 350 метри)
• Тротоари на улицата „Плачковица“  (во должина од 270 метри)
• Естетско уредување на плочникот пред Автобуската станица со декоративна натстрешница и дотерување на просторот што би инпонирал
• Поврзување на крак од улицата кај преминот на Монополски бавчи со кружниот тек кај Автобуската станица

• Да го средиме и одржуваме каналот покрај железничката пруга
• Редовно да ја чистиме реката, да засадиме нови дрвца и дополнително да го осветлиме кејот покрај реката
• Изградба на детски забавен парк пред ресторанот „Але-дар“
• Рехабилитација на улиците во населбата кај Ветеринарната станица („Лазар Андонов“)
• Решение за вториот крак од улицата „Ленинова“, која треба да биде споена со улицата „Димитар Влахов“

• Изградба на тротоари во должина од 5 900 метри во населбата Драчевик
• Рехабилитација на асфалтираните улици во населбата Драчевик
• Изградба на зелено пазарче и уредување на просторот кај Панаѓурот за да може да се користи преку цела години, а не само неколку дена во годината
• Тротоари на улицата „Скопска“
• Навремено и редовно изнесување на сметот од контејнерите и грижа за чиста околина во близина на зградите кај Панаѓурот
• Изградба на тротоари на улиците „Охридска“, „Сремска“, „Роза Петрова“ , „1 Мај“
• Санација на асфалтот на улиците „Охридска“ и „Сремска“ од интервенции на поправка на водоводната мрежа
• Подобрување на уличното осветлување и на вертикалната сигнализација на улиците „Охридска“, „Сремска“, „Роза Петрова“ , „1 Мај“
• Поставување „лежечки полицајци“  за регулирање и намалување на брзината на движење на возилата
• Уредување и обележување на простор за паркирање и озеленување (засадување дрвца) на јавната површина пред објектот „Mania bags“
• Обновување на дрворедите покрај тротоарите на „Скопска“, „Роза Петрова“, „Охридска“... на територијата на МЗ 8
• Поставување канти за отпад за јавните површини на територијата на МЗ 8
• Реконструкција/рехабилитација на крак од улицата „4 Македонска бригада“
• Поставување информативна и сообраќајна сигнализација кон Пониква

• Бетонирање на улицата „Страшо Ербапче“ и тоа со бр. 179, 181, 179/1, 183 каде што живеат 22 лица. Улицата е долга 27 метри и широка 5 метри (сокак)
• Подобрување на комуналните услуги, редовно и навремено собирање на сметот
• Поставување „лежечки полицајци“ на критичните делови од улицата „Страшо Ербапче“ над Општа болница – Кочани
• Санирање на улицата „Димитар Влахов“ односно кракот од улицата „Илинденска“, која е целата ископана и со дупки, кои придонесуваат сообраќајот да биде многу небезбеден
• Изградба на катна гаража или обезбедување друго сообраќајно решение со кое ќе се намали сообраќајниот хаос во центарот на градот

• Изградба на сообраќаен мост кај Џамијата и поврзување на улиците од двете страни на Кочанска Река
• Реновирање на улицата „Христијан Тодоровски-Карпош“, особено делот каде што е кривината којашто е многу тесна и возилата со тешкотии се качуваат нагоре
• Изградба на потпорни ѕидови покрај улицата „Христијан Тодоровски-Карпош“
• Рехабилитација на улиците „Коста Рацин“ и „Питу Гули“
• Да изнајдеме начин преку разговор во кој ќе се обидеме го намалиме прегласното пеење од Џамијата
• Отстранување на сите привремени објекти околу Џамијата и уредување на просторот за паркинг

• Асфалтирање на улицата „Плачковица“ во должина од 200 метри
• Уредување на игралиштето за мал фудбал во ПУ „Никола Карев“
• Уредување и целосно облагородување на паркот на улицата „Гишо Донев“ до Домот на културата во Грдовци

• Асфалтирање на улиците на подрачјето на месната заедница, во должина од 140 метри
• Чистење на речното корито на Кочанска Река на потегот од стадионот до мостот на реката кај оранжериите
• Чистење на одводните канали заради безбедност од поплави
• Обновување и активирање на амбулантата во Горни Подлог
• Воспоставување општински линиски превоз

• Асфалтирање на улицата „Ударничка“, во должина од 130 метри и широка 3 метри
• Асфалтирање на улицата „Мишо Арсов“, во должина од 50 метри и широка 3 метри
• Реконструкција на игралиштето за фудбал, каде што се одржува турнир во кој учествуваат екипи од соседните општини
• Реконструкција на канализациската мрежа
• Уредување на просторот во централниот дел на селото

• Реконструкција на патот од бензинската „Еко оил“ до селото, во должина од 700 метри
• Поправка на канализациската мрежа во должина од 1000 метри, со дополнување на нови приклучоци
• Изградба на детска градинка, бидејќи во селото за предучилишна возраст има околу 25 деца
• Доасфалтирање на патот од училиштето до главниот пат, во должина од околу 300 метри
• Чистење и редовно одржување на Трканска Река
• Поправка, проширување и асфалтирање на патот што ја поврзува Антура со влезниот пат во Тркање
• Изградба на излезен пат од фабриката Антура на девијацијата Подлог – Кочани

• Комплетирање и спојување на пешачката патека на потегот од железничкиот премин кај фабриката „Антура“ до кружниот тек кај хотелот „Национал“ во должина од 2 км, со што ќе имаме комплетна пешачка патека од Горни Подлог, Долни Подлог и Мојанци

• Обновување со нов асфалт на патот од Оризари до Прибачево, во должина од 320 метри
• Асфалтирање/поплочување на улицата „Гоце Делчев“, во должина од 130 метри
• Изградба на детско или повеќенаменско игралиште во селото

• Да формираме посебно одделение во рамките на КЈП „Водовод“ задолжено само за Оризари со што би се подобриле услугите за жителите на Оризари
• Комплетна изградба на ул. „Кеј на Револуцијата“ во должина од околу 500 м  со што ќе се овозможи поквалитетно поврзување на населбата со магистралниот пат
• Поврзување на нас. Оризари со Кочани преку т.н. Пазарски пат
• Асфалтирање на ул. „АСНОМ“ во должина од околу 600 м
• Изградба на ул. „Раде Кратовче“ во должина од околу 400 м
• Пробивање и оформување на ул. „Искра“ (т.н. Кочански Дол)
• Асфалтирање на крак од ул. „Христијан Карпош“ во должина од околу 200 м
• Комплетно довршување на водоводна и канализациска мрежа во реони каде што тоа сѐ уште не е решено

• Пробивање на сите улици и поставување потпорни ѕидови
• Асфалтирање на сите улици во Ромско Маало
• Решавање на проблемот со водоснабдувањето
• Уредување на детски катчиња за најмладите